روانـــين: هه‌وارێكی چۆل

4.12.05

هه‌وارێكی چۆل

هه‌وارێكی چۆل

كه سه‌ری پێداده‌كه‌م، بۆ ساتێك كۆنه وشه‌ كۆننه‌بوه‌كان ده‌لاوێنمه‌وه
ده‌ست به‌سه‌رو سیمایاندادێنم و
ته‌نیاییان ده‌ڕه‌وێنمه‌وه
هه‌موو وشه‌كان موڕه‌م لێده‌كه‌ن و نامناسنه‌وه
تێڕوانینیان هێنده نزه
برژانگه تۆزاویه‌كانیان گولله ئاسا وشه‌ تازه‌كانم ده‌ئه‌نگێونن

ئه‌و هزرانه‌ی لێره‌دا هه‌ڵپه‌ی ژین ده‌كه‌ن
ڕه‌گه‌كانیان له‌وێن
له‌ناو شه‌ره‌فنامه‌ و مه‌م و زین و ژانی گه‌ل
له ده‌شت و پێده‌شته تینوه‌كان
له بنار هه‌ڵگورد و قه‌ندیل و جودی و كۆیژه‌‌دا
له‌وێ له گه‌ڵ گۆرانیه‌كانی ئاڤێستا ده‌ست له‌ملانن

ئه‌و هزرانه‌ی لێره‌دا په‌تێیان بوو
ده‌یانه‌ویست فێری داداو بابا ‌بن
له‌یه‌كه‌م نسكۆی خۆڕسكدا نه‌یانتوانی ڕاست بنه‌وه
چاڵه‌كان
له قوڵایی ده‌روونه‌كاندا لێدراون
كۆسپه‌كان
شه‌پۆڵی مۆدێرنه‌ن
خووی مێژوون
هێشتا فێری هورای ئاهه‌نگی له دایكبوون نه‌بوون
هێشتا شه‌رم له هه‌ربژی ده‌كه‌ن
هێشتا ئیلهامێكی بچكۆڵه‌ن، له هه‌ڵكشان ده‌ترسن

هه‌واری ئێره هه‌ر ده‌ڕوانێ و چاوه‌ڕێی قه‌تاره‌یه‌كی تازه‌یه
كه‌ل‌و په‌لی تازه‌ی هێنابێ
هه‌ر ده‌ڕوانێ و
بۆ كه‌رنه‌ڤاڵێكی زنیدو
بۆ وشه‌بارانێك، بۆ ڕه‌شبه‌ڵه‌كێكی نه‌ورۆزی هه‌نسك ده‌دا
هه‌واری ئێره بێ كه‌پر و ساباته
میوانه‌كان شێره به‌فرینه ئاسا خۆڕاناگرن
دێن و ده‌ڕۆن
هه‌شیانه یه‌ك جار بێ سوژده بردن له په‌رستگاكه‌ی
به‌یه‌ك كاردانه‌وه‌ی ڕوانین
موڕه‌یه‌كی له هه‌واره‌كه كردووه و تێپه‌ڕیوه

كه هه‌موو جارێ دێمه حزوری ئه‌و دیوه‌خانه ساردوسڕه
بۆ سه‌روچاوه‌یه‌ك ده‌گه‌ڕێم
بۆ كانیه به‌هارێك
له نامۆیی كوچه‌و كۆڵانه‌كان به‌ده‌ر
له ته‌نیای و وه‌حشه‌تی وشه‌كان به‌ده‌ر
شتێكی تر نابینم
بیناكان، دیده‌كان شل بوون و توانای ڕوانینیان نه‌ماوه
كه ئه‌مجاره‌ش هاتم
ڕوانیم له هه‌موو شوێنێك هێشتا شه‌و بوو لێره‌ش تازه ڕۆژ ئاوا ده‌بوو
كه هاتم ته‌نیایی گووتی
بڕۆ ئێره كۆنه هه‌واره‌ و چیتر قیبله‌ی عاشقانی نیه
ئێره دورگه‌یه‌كی دوور ئاوه‌دانیه‌و
چیتر سه‌ره‌ڕێی قه‌تارچیه‌كان نیه
ئێره دوا مه‌نزڵه‌و چیتر ناڕوانێ
چیتر لێره نوێژی به كۆمه‌ڵ ئه‌نجام نادرێ

3 تێبینی:

Anonymous Anonymous ده‌ڵێت:

Hiwadarm to kol nedeï ta ëre awedan dekeytewe
daxekem ke giwët lë nagirin.

 

Anonymous Anonymous ده‌ڵێت:

لێتان ناشارمه‌وه به نوێنه‌كردنه‌وه‌ی زۆر سه‌خڵه‌تم، زۆر سودم له هزره‌كانی ئێره ده‌بینی

 

Blogger dtaj7lqob20npe ده‌ڵێت:

Get any Desired College Degree, In less then 2 weeks.

Call this number now 24 hours a day 7 days a week (413) 208-3069

Get these Degrees NOW!!!

"BA", "BSc", "MA", "MSc", "MBA", "PHD",

Get everything within 2 weeks.
100% verifiable, this is a real deal

Act now you owe it to your future.

(413) 208-3069 call now 24 hours a day, 7 days a week.

 

Post a Comment

Home